 |
Dva maładyja čałavieki zahinuli ŭ vyniku darožna‑transpartnaha zdareńnia, što adbyłosia ŭ Minsku minułaj nočču.
Pavodle infarmacyi Upraŭleńnia Dziaržaŭtainśpiekcyi MUS Biełarusi, 23 vieraśnia ŭ 23.30 27‑hadovy minčanin kala doma № 20 na vulicy Łučyny nie spraviŭsia z kiravańniem aŭtamašynaj «BMV», vyjechaŭ za miežy prajeznaj častki, dzie ŭdaryŭsia ab aśviatlalnuju mačtu. Udar byŭ takoj siły, što mašynu razarvała na dźvie častki, a abłomki raskidała ŭ radyusie 100 mietraŭ ad miesca DTZ. U vyniku vadziciel i jaho 26‑hadovy pasažyr zahinuli na miescy zdareńnia. Vidavočcy DTZ śćviardžajuć, što chutkaść «BMV» pieravyšała 120 km/č. Ludzi, jakija znachodzilisia ŭ aŭtamašynie, nie byli pryšpileny ramianiami biaśpieki.
Pavodle źviestak UDAI MUS, 22‑23 vieraśnia ŭ Biełarusi zarehistravana 51 darožna‑transpartnaje zdareńnie, u jakich 11 čałaviek zahinuli i 50 atrymali traŭmy i kalectvy.
Supracoŭnikami DAI vyjaŭlena 7.929 parušeńniaŭ PDR. 405 vadzicielaŭ zatrymany za kiravańnie transpartnymi srodkami ŭ stanie ałkaholnaha apjanieńnia. 2.487 vadzicielaŭ pryciahnuty da administracyjnaj adkaznaści za parušeńnie chutkasnych režymaŭ.
