25 sakavika hurt Neuro Dubel daŭ vialiki solny kancert, prymierkavany da Dnia Voli. Śpievaki nazyvajuć svoj vystup u stalicy Čechii adnym z samych udałych u novaj historyi hurtu. «Dla hledačoŭ, u asablivaści českich biełarusaŭ, heta byŭ hłytok śviežaha pavietra, i nam było ŭ radaść pajhrać dla ich», – kaža hitaryst Uładzimier Sachončyk.
Neuro Dubel na zaprašeńnie arhanizacyi «Skaryna» hraŭ u klubie «Mlejn». Kancert pačynaŭsia a 20-j. Da hetaha času ŭ Prahu ŭvieś čas pastupali źviestki pra padziei ŭ Miensku – u klubie pastavili noŭtbuk, kožny achvočy moh pahladzieć praź Internet naviny ź Biełarusi, u žyvym etery ŭ klubie viaščała «Eŭrapiejskaje radyjo». «Padziei ŭ Miensku ŭskałychnuli ŭsich: i muzykaŭ, i hledačoŭ – i jašče bolej ich źjadnali», – apaviadaje U.Sachončyk. Hurt atrymlivaŭ kalasalnuju addaču ad zali. Naŭzamien biełaruskija muzyki syhrali bolš pieśniaŭ, čym było zaplanavana. Dźvie sotni hledačoŭ nie adpuskali «dziubelaŭ» sa sceny, niekalki razoŭ vyklikali na «bis». Kulinkovič nieadnakroć vychodziŭ u zalu i śpiavaŭ razam z hledačami.Tamtejšym biełarusam nastolki spadabaŭsia kancert, što jany zaprasili lidera kamandy na niekalki dzion zastacca ŭ Prazie, a arhanizatary znoŭ čakajuć hurt u hości pa niejkim časie.
U krasaviku Neuro Dubel syhraje vialiki solny kancert u Miensku. U najbližejšy čas planujucca kancerty ŭ Horadni i Varšavie.
