Dziaržaŭny biudžet vykonvajecca z panižeńniem deficytu.
U Biełarusi ŭdakładnieny asobnyja pakazčyki biudžetu na 2007 hod. Adpaviedny ŭkaz, jakim taksama ŭniesieny źmianieńni i dapaŭnieńni ŭ niekatoryja ŭkazy, prezident krainy padpisaŭ 24 vieraśnia, paviedamili BIEŁTA u pres-słužbie kiraŭnika dziaržavy.
Zhodna z dakumientam uzrastuć makraekanamičnyja paramietry, što charaktaryzujuć respublikanski biudžet (dachody, raschody, deficyt) i praduhledžany ŭ zakonie "Ab biudžecie Respubliki Biełaruś na 2007 hod". U pryvatnaści, płanujecca pavialičyć dachody na Br2,99 trłn. (na 9,8 pracenta), raschody - na Br2,46 trłn. (na 7,7 pracenta), a deficyt skaracić na Br525,43 młrd. (na 37,5 pracenta).
Pry hetym dachody respublikanskaha biudžetu da kanca 2007 hoda mohuć dasiahnuć Br33,6 trłn., raschody składuć bolš jak Br34,47 trłn., deficyt respublikanskaha biudžetu zaćvierdžany ŭ abjomie Br874,57 młrd.
Va ŭkazie praduhledžvajecca vykarystańnie srodkaŭ na zakupku minieralnych uhnajeńniaŭ, na akazańnie finansavaj dapamohi i vydaču biudžetnych pazyk pradpryjemstvam realnaha siektara ekanomiki i inšyja mety.
U 2007 hodzie pavialičvajucca taksama raschody na dziaržaŭnyja kapitalnyja ŭkładańni. Rost hetych raschodaŭ źviazany sa stvareńniem novych vytvorčaściej na RUVP "Ekzon-Hlukoza", pašyreńniem pradpryjemstva "Viciebskaja bijafabryka", zaviaršeńniem budaŭnictva zavodaŭ pa vytvorčaści hazietnaj papiery i draŭlanaha domabudavańnia ŭ Škłovie, budaŭnictvam kulturna-spartyŭnaha kompleksu "Minsk-Arena".
Akramia taho, pavialičvajecca suma srodkaŭ, što pieradajecca z respublikanskaha biudžetu ŭ biudžety abłaściej i Minska. Ich płanujecca nakiravać na zamienu ciepłasietak, kampiensacyju vypadajučych dachodaŭ, a taksama na pavieličeńnie subviencyj na žyllo, na finansavańnie praindeksavanych žyllovych kvot (čekaŭ "Žyllo") i raschodaŭ, źviazanych z raźvićciom sielskahaspadarčaj vytvorčaści.
Dakumientam unosiacca źmianieńni va ŭkaz ad 15 lutaha 2007 hoda numar 88, što źviazana sa zvyšpłanavym pastupleńniem u 2007 hodzie dachodaŭ u respublikanski fond achovy pryrody i vykarystańniem ich na finansavańnie važniejšych pryrodaachoŭnych mierapryjemstvaŭ.
Na dumku ŭrada, realizacyja praduhledžanych va ŭkazie mier daść mahčymaść prafinansavać u bolšych abjomach mierapryjemstvy, namiečanyja ŭ dziaržaŭnych prahramach adradžeńnia i raźvićcia vioski, raźvićcia fizičnaj kultury i sportu, hieołaharaźviedačnych rabot pa raźvićciu minieralna-syravinnaj bazy respubliki, a taksama ŭ śpiecyjalnych prahramach, što datyčacca nacyjanalnaj abarony i zabieśpiačeńnia biaśpieki dziaržavy, i ŭ šerahu inšych.
