U Biełarusi pačaŭ pracavać śpiecyjalizavany sajt sistemy Tax Free. Na hety momant na sajcie možna aznajomicca ź pieralikam mahazinaŭ, a taksama pravieści pravierku čekaŭ Tax Free anłajn.
Jak raniej paviedamlała pres-słužba Ministerstva handlu, z 1 listapada hetaha hoda zapłanavanyja takija kirunki ŭ raźvićci sistemy Tax Free, jak mahčymaści atrymańnia sum viartańnia PDK bieznajaŭnym sposabam pry dapamozie śpiecyjalnych prystasavańniaŭ samaabsłuhoŭvańnia, viartańnia čekaŭ u pahraničnych punktach propusku, vykarystoŭvajučy śpiecyjalnyja skryni dla zboru čekaŭ, atrymańnia ŭsioj nieabchodnaj infarmacyi ab pracy sistemy Tax Free u Biełarusi na śpiecyjalizavanym sajcie tax-free.by. Z 1 śniežnia płanujecca arhanizavać mahčymaść atrymańnia sum viartańnia PDK najaŭnymi hrašyma ŭ pahraničnych punktach propusku. Užo siońnia na ŭsich asnoŭnych punktach propusku na miažy, a taksama ŭ aeraporcie abstalavanyja śpiecyjalnyja punkty viartańnia hrošaj.
Tax Free — heta sistema viartańnia padatku na dadadzienuju vartaść (PDV), vypłačanaha pry ažyćciaŭleńni pakupki zamiežnymi hramadzianami (fizičnymi asobami, jakija nie majuć pastajannaha miesca žycharstva ŭ dziaržavie — členie Mytnaha sajuza), paśla paćviardžeńnia vyvazu tavaraŭ za miežy Mytnaha sajuza. Hetaja sistema ŭ Biełarusi raspaŭsiudžvajecca nie na ŭsie, a tolki na asobnyja katehoryi tavaraŭ, što abkładajucca PDV pa staŭcy 20%, i praduhledžvaje viartańnie 15% ad sumy pakupki. Pakupniki atrymlivajuć prava na viartańnie PDV pavodle sistemy Tax Free pry ažyćciaŭleńni pakupki na sumu bolš za 800 tys. biełaruskich rubloŭ ciaham adnaho pracoŭnaha dnia ŭ adnym mahazinie, jaki biare ŭdzieł u prahramie viartańnia PDV.
