52-hadovy Šapira da hetaha jon uznačalvaŭ Hrodzienskuju vobłaść. Pierad tym jon byŭ ministram sielskaj haspadarki, a jašče raniej — dyrektaravaŭ u vialikim ahrapradpryjemstvie ŭ Dziaržynsku (Kojdanavie). U tyja časy jon uvachodziŭ u kiraŭnictva Abjadnanaj hramadzianskaj partyi.
Šapira — syn viadomaha vučonaha-ahrarnika, i sam doktar navuk.
U Hrodnie da jaho nie było pretenzij z boku kiraŭnika dziaržavy. Zatoje hramadskaść była ŭzrušanaja zvalnieńniami i vyklikami ŭ KDB vykładčykaŭ Hrodzienskaha ŭniviersiteta. Zvolnić Čarniakieviča zahadaŭ asabista Siamion Šapira: «Va ŭniviersitecie 16 čałaviek, jakija zaklikajuć źvierhnuć uładu», — zajaviŭ tady jon na sustrečy z vykładčykami.
Pasada staršyni abłvykankama ekanamična najvažniejšaj vobłaści stała vakantnaj paśla hučnaj adstaŭki Barysa Batury. Alaksandr Łukašenka zvolniŭ hetaha vieterana čynavienskaha korpusa, źvinavaciŭšy ŭ niadbajnaści pry madernizacyi abjadnańnia «Barysaŭdreŭ».
Novym staršynioj Hrodzienskaha abłvykankama staŭ vychadziec z Mahiloŭskaj vobłaści Uładzimir Kraŭcoŭ. Jon pracavaŭ namieśnikam staršyni Mahiloŭskaha abłvykankama, paśla čaho pierasieŭ u siniekuru staršyni kamisii pa ekanomicy pałaty pradstaŭnikoŭ.
60-hadovy Kraŭcoŭ rodam z Rasii, ź Leninhradskaj vobłaści. Karjeru jon zrabiŭ u KPSS, u Mahilovie. Paśla karotkaha pieryjadu pracy ŭ biznesie paśla 1991, jon viarnuŭsia ŭ abłvykankam, dzie i byŭ zaŭvažany i pieraviedzieny ŭ Minsk.
Da Šapira Hrodnam taksama kiravaŭ mahiloviec — Uładzimir Saŭčanka.
Bijahrafija Siamiona Šapiry (pavodle BiełTA)
Siamion Šapira naradziŭsia ŭ 1961 hodzie ŭ vioscy Račeń Lubanskaha rajona Minskaj vobłaści. Doktar ekanamičnych navuk, prafiesar. Pracavaŭ hałoŭnym ekanamistam saŭhasa «Kamsamolec» (Dziaržynski rajon), staršynioj SKP «Majak» (Dziaržynski rajon ). U 1998-1999 hadach — dyrektar Biełaruskaha navukova-daśledčaha instytuta ekanomiki i infarmacyi ahrapramysłovaha kompleksu.
U 1999-2004 hadach pracavaŭ u sistemie Ministerstva sielskaj haspadarki i charčavańnia Biełarusi. Z 2004 hoda - hienieralny dyrektar AAT «Ahrakambinat «Dziaržynski». Z krasavika 2008 hoda - ministr sielskaj haspadarki i charčavańnia Biełarusi. Z maja 2010 hoda staršynioj Hrodzienskaha abłvykankama.
Bijahrafija Uładzimira Kraŭcova (pavodle BiełTA)
Uładzimir Kraŭcoŭ naradziŭsia ŭ 1953 hodzie ŭ horadzie Padparožža Leninhradskaj vobłaści. U 1975 hodzie skončyŭ Mahiloŭski mašynabudaŭničy instytut, u 1991 — Akademiju hramadskich navuk pry CK KPSS.
U 1975—1979 hadach pracavaŭ majstram, miechanikam, namieśnikam načalnika cecha Mahiloŭskaha aŭtazavoda imia Kirava. U 1979—1981 hadach byŭ instruktaram Mahiloŭskaha harkama KPB, u 1981-1983 hadach — zahadčykam pramysłova-transpartnaha adździeła Kastryčnickaha rajkama KPB Mahilova, u 1983—1985 hadach - instruktaram Mahiloŭskaha abkama KPB. U 1985—1991 hadach źjaŭlaŭsia sakratarom partkama Mahiloŭskaha aŭtazavoda imia Kirava, druhim sakratarom Mahiloŭskaha harkama KPB. Z 1991 hoda pracavaŭ vykanaŭčym dyrektaram Mahiloŭskaj rehijanalnaj asacyjacyi mižhalinovaha dziełavoha supracoŭnictva «ININ», z 1997 hoda — namieśnikam dyrektara TAA «MP Ruch» Mahilova. Z 1998 hoda — dyrektaram tavarystva z dadatkovaj adkaznaściu «Transenierha-Zachad» Mahilova.
U 2001-2002 hadach zajmaŭ pasadu staršyni kamiteta ekanomiki i rynkavych adnosin Mahiloŭskaha abłvykankama, u 2002—2007 hadach byŭ namieśnikam staršyni Mahiloŭskaha abłvykankama, a ŭ 2007—2012 hadach — pieršym namieśnikam staršyni Mahiloŭskaha abłvykankama.
Z 2012 hoda źjaŭlaŭsia staršynioj Pastajannaj kamisii pałaty pradstaŭnikoŭ Nacyjanalnaha schodu Biełarusi pa ekanamičnaj palitycy.
