U piatnicu ŭ Kijevie zbornaja Ukrainy pieramahła ŭ pieršym stykavym matčy da čempijanatu śvietu — 2014 zbornuju Francyi ź likam 2:0. Hałoŭnaha treniera zbornaj Ukrainy Michajłu Famienku na paślamatčavaj pres-kanfierencyi žurnalisty sustreli avacyjaj, paviedamlaje Unian.
ffu.org.ua
Famienka zajaviŭ: «Dziakuj chłopcam, što jany zrazumieli — psichałohija budzie vyrašalnym faktaram u hetaj sustrečy. Jany hulali ŭpeŭniena, kožny vyrazna rabiŭ svaju spravu na poli».
Što tyčycca taho, ci jość u treniera recept na matč u adkaz (za dva dni da hulni ŭ Kijevie Famienka zajaviŭ, što viedaje «pieramožny recept») trenier adkazaŭ: «Chto chodzić u apteku biez receptu? U mianie jość try dni, kab prydumać novy recept».
Matč u adkaz projdzie 19 listapada ŭ Paryžy.
Vyniki inšych stykaŭ:
Isłandyja — Charvatyja — 0:0
Partuhalija — Šviecyja — 1:0
Hrecyja — Rumynija — 3:1.
Siońnia taksama vyznačacca dźvie ź piaci kamandaŭ Afryki, što jeduć na čempijanat śvietu:
Nihieryja — Efiopija (pieršy matč — 2:1), Sieniehał — Kot-dJIvuar (pieršy matč — 1:3).
