 |
Mienskaja «dvojka», niadaŭna vycieśnienaja z hałoŭnaha mienskaha praspektu «estetyčnymi pryčynami» i «sotym» aŭtobusam, niadoŭha praisnavała na rešcie kolišniaha maršrutu. 1 kastryčnika jaje zamieniać na 62-hi aŭtobus.
Paśla taho, jak z praspektu prybrali tralejbusnyja linii, dajaždžać na «dvojcy» da metro stała składaniej i daŭžej. A da stancyi «Park Čeluskincaŭ» ad tralejbusnaha prypynku davodziłasia iści pałovu bulvara Tałbuchina. Nia ŭsim heta było pad siłu i ŭsim nie padabałasia.
Niejki čas abmiarkoŭvalisia plany zrabić na bulvary razvarotnaje kalco biaz vyjezdu tralejbusaŭ na praspekt, ale ŭrešcie byŭ abrany praściejšy šlach: tralejbus zamianili aŭtobusam.
Novy aŭtobusny maršrut №62 budzie całkam dubliravać šlach «dvojki» ad DS «Kalinoŭskaha» da bulvara Tałbuchina, adno što zmoža vyjaždžać na praspekt, nie parušajučy estetyčnaj harmonii hałoŭnaj mienskaj mahistrali.
62‑hi stanie pieršym aŭtobusnym maršrutam na bulvary Tałbuchina i vulicy Knoryna, dahetul vyklučna tralejbusnych.
Fota photo.bymedia.net
