U Biełarusi pavinien być uviedzieny ŭtylizacyjny zbor.
Takoje mierkavańnie vykazaŭ hienieralny dyrektar chołdynhu «BiełHAZaŭtaservis» Michaił Suprunovič.
«Heta nie tolki abarona rynkaŭ, ale i rašeńnie ekałahičnaj prablemy», - ličyć jon.
Pavodle mierkavańnia Suprunoviča, vieličynia zboru pavinna być raŭnaznačnym toj, jakaja dziejničaje ŭ Rasii. Dla lehkavikoŭ heta kala $600, dla hruzavikoŭ i aŭtobusaŭ - kala $4500.
«Budzie ŭvodzicca utylizacyjny zbor - na hetuju sumu budzie ŭzrastać i cana aŭtamabila. Nikudy nie dzieniešsia», - kanstatavaŭ kiraŭnik chołdynhu.
Ideju ŭviadziańnia ŭtylizacyjnaha zboru ŭ Rasii prałabiravali rasijskija vytvorcy. Nibyta kłapociačysia pra ekałohiju, jany pieradusim adsvojvajuć svaje intaresy ŭ baraćbie ź jeŭrapiejskimi, azijackimi i amierykanskimi vytvorcami. Zamiežnyja aŭto daražejuć, značycca, «łady» z «hazelami» vyhladajuć bolš pryvabna.
Uviadzieńnie ŭtylizacyjnaha zboru ŭ Biełarusi pryviadzie da praparcyjnaha padaražańnia na ŭsich siehmientach aŭtarynku.
