U Biełarusi z 23 listapada pavyšany ceny na niekatoryja vidy chleba i chlebabułačnych vyrabaŭ, małočnuju pradukcyju, kurynaje miasa i jajki.
Adpaviednaja pastanova Ministerstva ekanomiki № 86 ad 18 listapada 2013 hoda siońnia ŭstupiła ŭ siłu.
Pa prapanovie Ministerstva sielskaj haspadarka i charčavańnia na 10% pavyšany hraničnyja maksymalnyja adpusknyja ceny na chleb žytni i žytna — pšaničny, bułačnyja vyraby z pšaničnaj muki z utrymańniem pa receptury cukru i tłuščaŭ u sumie nie vyšej za 14 %. Heta tak zvanyja «sacyjalnyja hatunki» niedarahich chlebabułačnych vyrabaŭ.
Miasa kuraniat-brojleraŭ i jajki kurynyja taksama padaražali na 10%.
Hraničnyja maksimalnyja adpusknyja ceny na małočnyja pradukty vyraśli ŭ zaležnaści ad ich tłustaści. Akramia taho, na ich praduhledžana padvojnaje padaražańnie — u listapadzie i śniežni.
