Siarhiej Panamaroŭ |
Inicyjataram pikietaŭ vystupiŭ Siarhiej Panamaroŭ, miascovy aktyvist i vydaviec niezaležnaha biuleteniu «Bojki Kleck». Usiaho 30 vieraśnia pavinna było prajści 4 pikiety, kožny ź ich musiŭ adbycca pobač z damami zajaŭnikaŭ. U admovie, padpisanaj staršyniom rajvykankamu Anatolem Bojkam, havaryłasia, što pierš čym padavać zajaŭku na pikiet, nieabchodna było vyrašyć hetaje pytańnie z pravaachoŭnymi orhanami, medyčnaj ustanovaj i pažarnymi dy apłacić ichnyja pasłuhi.
U vyniku akcyja prajšła ŭ inšaj formie: kleckija aktyvisty naładzili razdaču biuleteniu. Varta adznačyć, što da 16‑j hadziny kala domu S. Panamarova znachodziŭsia milicejski post, a za im samim u časie razdačy «BK» chadziŭ patrul. Paśla 16‑j, kali milicyjanty źjechali, sp. Panamaroŭ uźniaŭ nad svaim žytłom dvuchmetrovy bieł‑čyrvona‑bieły ściah. Milicyjanty tak i nie navažylisia jaho źniać.