Vyjava šaści palcaŭ na afišy viadomaha rasiejskaha hurta, na dumku čynoŭnikaŭ, parušaje pravy ludziej ź fizičnymi adchileńniami.
U jakaści arhumientu supracoŭnica Minharvykankama skazała, što ŭ niekatorych ludziej niama i piaci palcaŭ. U suviazi z hetym na afišy pavinna być mienavita piać palcaŭ, jak u narmalnaha čałavieka. Pra incydent paviedamlaje aficyjny sajt hurtu «Słot».
Sa spasyłkaj na pałažeńni artykuła 26 Zakona «Ab rekłamie» arhanizataram kancertu było pakazana, što afiša hurta «Słot» nie adpaviadaje zakonu, tak jak «źmiaščaje hladzielnuju infarmacyju, jakaja parušaje ahulnapryniatyja normy marali, parušaje relihijnyja i sacyjalnyja pierakanańni hramadzian».
Jakija mienavita «sacyjalnyja pierakanańni» abo «normy marali» parušaje namalavanaja šaścipałaja ruka, rastłumačana nie było.
Kab nie raździmać skandał, hurt u terminovym paradku padaŭ dla ŭzhadnieńnia novy prajekt afišy, adaptavany da patrabavańniaŭ miascovaha zakanadaŭstva.
Kancert hurtu «Słot» adbudziecca 29 listapada ŭ kłubie Re:Public.
