Alina Tałaj — pryziorka čempijanataŭ śvietu i Jeŭropy ŭ biehu z barjerami, viadomaja ŭ biełaruskich miedyjach taksama svaimi pazityŭnymi vykazvańniami pra bieł-čyrvona-bieły ściah i biełaruskuju movu ŭ sieryi Generation.by «Kim ja stanu, kali vyrastu».
Žyvu ciapierašnim, rablu toje, što padabajecca
Kali ŭzhadvać dziacinstva, to ŭ mianie nie było takoj mary stać kasmanaŭtam, albo supierhierojem ci jašče kimści. Ja zadumvałasia, što ŭsie maje siabry chacieli stać kimści, a ŭ mianie takoha nikoli nie było. Maksimum, što ja dumała, heta pra vieterynara. Bo vielmi lubiła žyvioł, jak i ŭsie ŭ dziacinstvie. Ale takoj kankretnaj mary, kim ja chaču stać i čym zajmacca, nikoli nie było.
Ja dahetul nie viedaju, čym chaču zajmacca. Zaŭsiody chaciełasia zajmacca ŭsim patrochu. Prosta ja žyvu ciapierašnim i niejak tak nie zadumvajusia, kim chaču stać. Rablu toje, što padabajecca. Darečy, ja nikoli i nie dumała, što budu prafiesijnaj spartsmienkaj.
Ruskija i Reč Paspalitaja
U školny pieryjad vielmi zachaplałasia historyjaj. I potym čytała jašče nie adzin artykuł alternatyŭnaj historyi. Ale vielmi składana byvaje ź niekatorymi razmaŭlać na hetuju temu. Takija stereatypy byvajuć, što ciažka ich pierakanać, asabliva ruskich.
Spračałasia z adnym ruskim spartsmienam nakont padziełaŭ Rečy Paspalitaj.
Jasnaja sprava, što ŭ kožnaj krainy svaja historyja, ale z hetymi impieryjalistyčnymi pohladami ciažka zmahacca.
My siabie padajem jak VKŁ, asobnaja dziaržava. A ŭ ich trochi inšy pohlad na hetyja rečy.
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju28
Kamientary