Usie vinavatyja ŭ pravaparušeńniach na Majdanie pavinny panieści adkaznaść. Pra heta prezident Viktar Janukovič zajaviŭ padčas kruhłaha stała pry ŭdziele eks-prezidentaŭ Leanida Kraŭčuka, Leanida Kučmy i Viktara Juščanki, paviedamlaje «Ukrainskaja praŭda».
«Što tyčycca kanfliktu. Ja zhodny z tymi patrabavańniami, jakija siońnia hučać z usich bakoŭ», — adznačyŭ jon.
Janukovič dadaŭ, što «ludzi, jakija byli na Majdanie, jany patrabujuć adkazu, jakim budzie dalejšy los Ukrainy, što budzie ź jeŭrapiejskaj intehracyjaj».
«Ź inšaha boku, pravaparušeńni, jakija byli dapuščanyja z dvuch bakoŭ, na Majdanie, im treba dać spraviadlivuju acenku i, biezumoŭna, vinavatyja pavinny za heta adkazvać», — zajaviŭ prezident.
Paśla hetaha Kučma spytaŭ: «Z abodvuch bakoŭ?». «Biezumoŭna, z abodvuch bakoŭ», — udakładniŭ Janukovič.