Sajt baradulin.by na hramadskich pačatkach stvaryŭ žurnalist Hleb Łabadzienka.
Struktura prajekta standartnaja dla bolšaści sajtaŭ, pryśviečanych tvorčaści taho ci inšaha piśmieńnika. Heta raździeły «Bijahrafija», «Vieršy», «Fota» i «Presa».
«Razynki» dźvie. Raździeł «Videa» ŭtrymlivaje cikavyja archiŭnyja kadry.
Naviedvalniki mohuć pahladzieć viečarynu z nahody 70-hodździa Vasila Bykava, jakuju vioŭ Baradulin. A taksama nievialički videafrahmient, u jakim da dziadźki Ryhora zavitaŭ Uładzimir Niaklajeŭ.
U raździele «Knihi» pradstaŭleny vydańni paeta ŭ elektronnym farmacie, dadadzienyja sa zhody aŭtara i stvaralnikaŭ sajta kamunikat.org.
Cikava, što dahetul u siecivie isnuje sajt baradulin.ru. Na im pradstaŭlena bijahrafija narodnaha paeta, ścisły biblijahrafičny śpis, analiz niekatorych tvoraŭ Baradulina, dziesiatak fotazdymkaŭ, a taksama bahata vieršaŭ.
Novy prajekt užo pierahnaŭ kankurenta pa abjomu materyjałaŭ. Ale pry ŭviadzieńni ŭ pošuk «sajt ryhora baradulina» ci «ryhor baradulin sajt» «google» pa-raniejšamu vydaje pieršym radkom «ruskaha Baradulina».
«Biełaruski» bačny tolki na bolš dalokich pazicyjach. Zrešty, novy prajekt jašče tolki nabiraje abaroty.
Łabadzienka abiacaje dadavać na sajt materyjały, dasłanyja čytačami.