«Jon vybiahaŭ kudyści z doma, paśliznuŭsia i stuknuŭsia skroniaj — adrazu pamior»,
— paviedamiła siabroŭka Siarhieja Kaciaryna.
Chłopiec byŭ tvorčym: pisaŭ vieršy i prozu na niekalkich movach — pa-biełarusku, pa-ŭkrainsku, pa-rasijsku. Ciapier ŭ vydaviectvie «Halijafy» budzie rychtavacca kniha Macina.
Chłopiec zajmaŭsia taksama spartovym aryjentavańniem.
Siarhiej naradziŭsia ŭ Minsku. Vypusknik liceja BDU (2011). Navučaŭsia na chimičnym fakultecie BDU — chacieŭ być vykładčykam.
Siońnia adbudziecca pachavańnie Siarhieja.
Siarhiej Macin
RAZMALOŬVAĆ SUŚVIET!
Nie saromiecca być saboj,
Kročyć upadabanym šlacham,
Ź losam nie pačynać dvuboj,
Kiravacca viasnovym pacham,
Nie zvažać na sabačy brech,
Na śvitanku ŭśmichacca soncu,
U zavułkach dy pamiž strech
Razmaloŭvać Suśviet biaskonca!
17 sakavika 2013, Minsk
ČAS VYNIŠČAĆ TAJAMNICY!
Źniknuć z žyćcia z-za takoj drabiazy —
Hłupstva naŭprost, i kropka!
Serca kazyča niamy pryzyŭ,
Truščycca lod krochki…
Vyratuj toje, što zmoh utrymać,
Jak u pustelni — krynicu.
Hodzie raździelena isnavać —
Čas vyniščać tajamnicy!
9 śniežnia 2013, Minsk