Pačała pracavać internet-staronka kryčaŭskaj niezaležnaj haziety «Volny horad».
Zaraz čytačy haziety majuć mahčymaść aznajomicca z raźmieščanymi ŭ joj materyjałami, a taksama z navinami z žyćcia Kryčava i ŭschodnich rajonaŭ Mahiloŭščyny, paviedamlaje sajt HA «BAŽ».
Redaktar haziety «Volny horad» Siarhiej Niaroŭny spadziajecca, što adkryćcio ŭłasnaha sajta pašyryć koła prychilnikaŭ i čytačoŭ haziety.
«Adkryćcio ŭłasnaj internet-staronki dazvolić nam padvysić apieratyŭnaść u padačy navinavych materyjałaŭ.
Taksama my spadziajomsia pašyryć metavuju aŭdytoryju «Volnaha horada» za košt moładzi i nie tolki. Za košt tych ludziej, jakija bolš uvahi nadajuć elektronnym srodkam masavaj infarmacyi», — kaža Siarhiej Niaroŭny.
Niezaležnaja hazieta «Volny horad» vydajecca nakładam 299 asobnikaŭ, jana raspaŭsiudžvajecca na terytoryi Kryčaŭskaha i susiednich rajonaŭ uschodniaj Mahiloŭščyny.
U hetym hodzie spoŭniłasia piatnaccać hadoŭ z dnia vychadu pieršaha numaru haziety «Volny horad». Za hety čas kryčaŭskimi žurnalistami było vydadziena bolš za 500 hazietnych numaroŭ.
Hazieta «Volny horad» karystajecca vialikaj papularnaściu siarod čytačoŭ.
