18 śniežnia na adnym z abjektaŭ Minskaha mietrapalitena prajšli taktyka-śpiecyjalnyja zaniatki pa adpracoŭcy dziejańniaŭ pa vyjaŭleńni i łakalizacyi mahčymych terarystyčnych pahroz u pieryjad padrychtoŭki i praviadzieńnia čempijanatu śvietu pa chakiei ŭ 2014 hodzie ŭ Minsku.
Jak paviedamili ŭ pres-słužbie KDB Biełarusi, u zaniatkach udzielničali pradstaŭniki Kamiteta dziaržaŭnaj biaśpieki, Ministerstva pa nadzvyčajnych situacyjach, Śledčaha kamiteta, słužby biaśpieki KUP «Minski mietrapaliten» i ŭpraŭleńnia ŭnutranych spraŭ pa achovie mietrapalitena.
Padčas tearetyčnaj i praktyčnaj častak taktyka-śpiecyjalnych zaniatkaŭ udzielniki adpracavali pytańni reahavańnia i ŭzajemadziejańnia ŭ vypadku vyjaŭleńnia na abjekcie mietrapalitena vybuchovaj pryłady, a taksama dziejańnia ŭ składanych apieratyŭnych umovach, źviazanych z pahrozaj učynieńnia terakta i zachopu zakładnikaŭ.
