Darahija čytačy «Našaj Nivy»! Ščyra vinšujem Vas z nadychodziačymi śviatami - Kaladami, Novym 2014-m hodam i znoŭ ža z Kaladami. Zyčym ščaścia, zdaroŭja, dabrabytu i pośpiechaŭ u Novym hodzie Vam i Vašym siemjam! Niachaj Novy hod prynosić Vam zadavalnieńnie ŭ žyćci!
Karystajemsia nahodaj i da svaich vinšavańniaŭ dałučajem karotki źmiest čarhovaha numara časopisa, jaki źmieščany 15 śniežnia na našym veb-sajcie www.sakavik.net. U śviežym numary Vy znojdziecie artykuł z tvorčaj spadčyny prafiesara Krukoŭskaha (16.10.1923 – 30.09.2013).
Heta vidać adzin z apošnich tvoraŭ biełaruskaha fiłosafa, dzie jon razhladaje prablemy cykličnaści sacyjalnaha i kulturnaha raźvićcia hramadstva. A.Zhierski jašče raz źviartajecca da analizu stanu biełaruskaha hramadstva i prychodzić da vysnovy, što niama padstaŭ ćvierdzić pra niežyćciazdolnaść biełaruskaj nacyjanalnaj supolnaści. U artykule V.Kazłovaj pravodzicca analiz detalaŭ pahadnieńnia ab asacyjacyi Ukrainy i Jeŭrapiejskaha Sajuza i mahčymy upłyŭ realizacyi hetaha pahadnieńnia na Biełaruś.
Piotra Murzionak analizuje paramietry biełaruskaj mientalnaści, jakija jašče nie adpaviadajuć mientalnaści cyvilizavanych krain. U čaćviortym numary padajecca cikavaja infarmacyja pra pačatak fiestyvalaŭ arhannaj muzyki ŭ Biełarusi; pra pieršy ź ich, jaki prajšoŭ u kastryčniku na Pastaŭščynie, raspaviadaje adzin z arhanizataraŭ fiestyvala, sp. T. Stružecki.
Na staronkach veb-sajta «SAKAVIK» źmieščany taksama cikavyja materyjały z druhich krynic, pryśviečanyja raźvićciu biełaruskaści i biełaruskaj kultury. Zaprašajem na staronki časopisa.
Budziem rady, kali Vam spadabajecca publikujemaja infarmacyja i ŭ Vas uźniknie žadańnie padzialicca joju z Vašymi siabrami. Piotra Murzionak i redakcyja časopisa «SAKAVIK», www.sakavik.net
