Były palitviazień Źmicier Daškievič atrymaŭ papiaredžańnie za parušeńnie praviłaŭ adbyvańnia previentyŭnaha nahladu.
U minuły čaćvier, 19 śniežnia, jon nie źjaviŭsia ŭ kryminalna-nahladnuju inśpiekcyju Pieršamajskaha RUUS Minska, dzie pavinien adznačacca pieršy, treci i čaćviorty čaćvier kožnaha miesiaca.
Nahadajem, 28 žniŭnia Daškievič vyjšaŭ na volu z hrodzienskaj turmy № 1 paśla amal trochhadovaha źniavoleńnia.
Jak rastłumačyŭ Daškievič, jon prosta zabyŭsia, što na 19 śniežnia vypaŭ treci čaćvier miesiaca. Na nastupnuju ranicu jamu patelefanavaŭ inśpiektar z prapanovaj źjavicca ŭ RUUS, što Daškievič adrazu ž zrabiŭ. U milicyi ŭ dačynieńni da jaho skłali pratakoł ab parušeńni paradku previentyŭnaha nahladu. Palityka čakaje sud, data jakoha pakul nie vyznačana.
