Hrodzienskaje adździaleńnie Tavarystva biełaruskaj movy vypuściła krajaznaŭčy kalandar na 2014 hod.
Heta nastolnaje pierakidnoje vydańnie, jakoje vytrymlivaje ŭžo piataje pieravydańnie.
U kalendary padadziena kala paŭtysiačy važnych i cikavych dataŭ z historyi Hrodzienščyny i jaje słavutych asobaŭ. Naprykład, na 1 studzienia 2014 hoda vypadajuć ažno dźvie jubilejnyja daty — 85-hodździe movaznaŭcy Jaŭhiena Miakiša i 60-hodździe pravznaŭcy Iosifa Vialenty.
«Heta vielmi papularnaje vydańnie, — kaža staršynia TBM Aleh Trusaŭ. — Jano karystajecca vialikim popytam na Hrodzienščynie, astatnija vobłaści mahli b uziać z haradziencaŭ prykład. U Minsku jaho taksama možna kupić — na siadzibie TBM i na siadzibie BNF. Adnak bolšaść nakłada zastajecca ŭ Hrodna».
Składalnik kalendara — prafiesar Alaksiej Piatkievič, redahavaŭ vydańnie Stanisłaŭ Sudnik.