Pavodle dadzienych apublikavanaha Zakona «Ab respublikanskim biudžecie na 2014 hod», tolki 20% sabranych aŭtamabilnych pošlin budzie nakiravana na ramont daroh.
U biudžet užo zabityja mierkavanyja zbory ad «dziaržaŭnaj pošliny» ŭ pamiery 1,662 trłn rubloŭ. Ale kali zazirnuć u vydatki dziaržbiudžetu adrazu ŭźnikajuć pytańni.
Tak, zhodna z respublikanskim biudžetam, na darožnuju haspadarku ŭ 2014 hodzie płanujecca vydatkavać 3,062 trłn rubloŭ, što amal udvaja bolš, čym płanujecca sabrać ad dziaržaŭnaj pošliny. Zdajecca, usio jak i raspaviadali nam pradstaŭniki ŭładaŭ. Ale kali zazirnuć u biudžet 2013 hoda, to tam my pabačym, što na aŭtamabilnyja darohi ŭ minułym hodzie było nakiravana 2,361 trłn rubloŭ. Dadamo siudy inflacyju, jakaja tolki pa aficyjnych dadzienych skłała kala 15% za hod i atrymajem ličbu ŭ 2,715 trłn rubloŭ. Inšymi słovami,
u paraŭnańni z 2013 hodam finansavańnie daroh budzie pavialičana na 347 młrd rubloŭ, što składaje krychu bolš za 20% ad taho, što płanujecca sabrać. I heta biez uliku taho, što ŭ 2014 hodzie istotna vyrastuć i zbory z płatnych daroh Biełarusi.
Kali ž zirnuć na strukturu darožnych vydatkaŭ ŭ 2014 hodzie, to tut jość istotnyja źmieny. Adnak jany ŭsio roŭna nie paraŭnajucca z tymi ličbami, jakija zapłaciać biełaruskija aŭtamabilisty.
Tak, na biahučy ramont daroh pojdzie 550 młrd rubloŭ, što bolš za ŭzrovień 2013 (476 młrd rubloŭ) usiaho tolki na vieličyniu hadavoj inflacyi. Heta značyć, realnaha pavieličeńnia finansavańnia tut nie budzie.
Značna buduć pavialičanyja vydatki na budaŭnictva i rekanstrukcyju aŭtamabilnych daroh — 421,8 miljarda rubloŭ suprać 281,1 miljarda ŭ 2013 hodzie.
Anałahičny rost adbudziecca i pa pazicyi «kapitalny ramont aŭtamabilnych daroh» - 431,5 młrd rubloŭ ŭ 2014 hodzie suprać 175,3 młrd rubloŭ u 2013 hodzie. Ale navat kali nie brać u raźlik inflacyju, to realny rost hetych vydatkaŭ składzie ŭsiaho 396,9 młrd rubloŭ. Inšymi słovami, kali adniać inflacyjnuju składnik, to my znoŭ ža atrymajem nazvanyja vyšej 20% ad usich sabranych pošlin.
Adsiul pytańnie,
a dzie dzielisia 80%? Adkaz vidavočny. Jany ŭsie buduć u darohach, ale nie pojduć na pavieličeńnie ich finansavańnia, jak pra heta havaryłasia, a na zamiaščeńnie, kab źniać nahruzku ź biudžetu.
Heta značyć, pa sutnaści pošliny tolki na 20% byli ŭviedzienyja dla palapšeńnia biełaruskich daroh, a na 80% - dla łatańnia dzirak u biudžecie.
