Na placoŭcy change.org sabrana bolš za 5.000 podpisaŭ pad zvarotam rabotnikaŭ chutkaj miedycynskaj dapamohi da Łukašenki i ministra achovy zdaroŭja Vasila Žarko.
Padpisanty zvarotu, sapraŭdnaje aŭtarstva jakoha nieviadoma, patrabujuć pryniaćcia zakona « Ab chutkaj miedycynskaj dapamozie»,
uklučeńnia ŭ zakanadaŭstva pałažeńniaŭ: ab zabieśpiačeńni biaśpieki miedykaŭ; ab strachavańni ad niaščasnych vypadkaŭ na pracy na sumy, jakija dazvalajuć pravieści paŭnavartasnaje lačeńnie, reabilitacyju, jakija pakryjuć škodu svajakam u vypadku śmierci rabotnika chutkaj mieddapamohi; ab sacyjalnych harantyjach (žyllo, lhotnaje piensijnaje zabieśpiačeńnie, režym pracy i adpačynku); ab zabaronie pracy pa adnym miedycynskamu rabotniku ŭ bryhadzie; ab vyznačeńni pakazańniaŭ dla vykliku chutkaj dapamohi; ab stvareńni ŭ rehijonach navučalnych baz dla ŭdaskanaleńnia praktyčnych navykaŭ; pra ŭzmacnieńnie jurydyčnaj adkaznaści pry napadzie na rabotnikaŭ chutkaj dapamohi «pry vykanańni».
U zvarocie ŭtrymlivajecca patrabavańnie pavysić akłady miedycynskamu piersanału chutkaj miedycynskaj dapamohi jak minimum u dva razy.
Padpisanty taksama patrabujuć uniasieńnia źmianieńniaŭ u Praviły darožnaha ruchu. «Nieabchodna albo ŭstalavać biezumoŭny pryjarytet mašyn chutkaj miedycynskaj dapamohi z uklučanymi śpiecsihnałami i ŭzmacnić žorstkaść miery pakarańnia ŭ dačynieńni da asob, jakija pieraškadžajuć prajezdu chutkaj dapamohi z uklučanymi śpiecsihnałami albo pazbaŭlajuć chutkuju dapamohu pieravahi na darozie», - havorycca ŭ zvarocie.
Uviečary 7 studzienia na sajcie change.org źjaviłasia paviedamleńnie: «Na žal, my vymušanyja zakryć pietycyju. Dziakuj, što padtrymlivali nas».