Z zatrymanym sałdatam 5-j asobnaj bryhady śpiecyjalnaha pryznačeńnia Uzbrojenych sił, vychadcam Mazyra 1992 naradžeńnia Alaksandram Suščykam u Červieńskim RAUS pracujuć śledčyja i pradstaŭniki vajskovaj častki. Vyśviatlajucca matyvy i abstaviny, pa jakich małady čałaviek nočču 3 studzienia pakinuŭ raźmiaščeńnie vajskovaj častki. Pra heta BiełaPAN paviedamiŭ načalnik adździeła infarmacyi i hramadskich suviaziej UUS Minskaha abłvykankama Alaksandr Danilčanka.
Pavodle jaho infarmacyi, Suščyk byŭ zatrymany ŭ Červieńskim rajonie paśla 15 hadzin 8 studzienia paśla ździajśnieńnia kradziažu adzieńnia i praduktaŭ charčavańnia ŭ domie ŭ vioscy Skrabinka.
Ślady ŭzłomu vyjaviŭ haspadar, jaki vyklikaŭ milicyju. Jon i dva ŭčastkovyja inśpiektary na mašynach pieraśledavali čałavieka, jaki chavaŭsia ŭ lesie, i zatrymali jaho. Zatrymanym akazaŭsia sałdat, jaki pakinuŭ vajskovuju častku.
Jon byŭ biez zbroi. Pry zatrymańni supracivu nie akazvaŭ, nie vyjaŭlaŭ nijakaj ahresii.
Paśla zatrymańnia maładoha čałavieka dastavili ŭ Červieński RAUS.
Nahadajem, Suščyk źnik z vajskovaj častki ŭ Marjinaj Horcy 3 studzienia, i dahetul pra jaho ničoha nie było viadoma.
