Z poŭnačy Skandynaŭskaha paŭvostrava ŭ paŭdniova-ŭschodnim napramku ruchajecca chałodny antycykłon. Užo 24 studzienia jaho centr moža apynucca nad Leninhradskaj vobłaściu, zaznačyła hałoŭny sinoptyk Biełhidramieta Ludmiła Paraščuk.
Rimgaudas Barauskis
U piatnicu tempieratura pavietra ŭnačy składzie minus 14—21 hradus, miescami budzie ad minus 22 da 25 hradusaŭ, udzień — minus 10—17 hradusaŭ.
U vychadnyja marazy dasiahnuć maksimumu.
Tempieratura pavietra ŭnačy čakajecca ŭ miežach 17—23 hradusaŭ marozu, miescami budzie minus 24—29 hradusaŭ, u siaredzinie dnia 11—17 hradusaŭ sa znakam minus.
«Taki tempieraturny fon na 8—13 hradusaŭ nižejšy za klimatyčnuju normu», — adznačyła hałoŭny sinoptyk.
U pačatku nastupnaha tydnia istotnych źmien u sinaptyčnaj situacyi nie budzie i chałodnaje nadvorje zachavajecca.
Unačy čakajecca minus 17—23 hradusy, pa paŭnočnym uschodzie miescami — ad 24 da 27 hradusaŭ marozu, u dzionnyja hadziny budzie 11—16 hradusaŭ sa znakam minus.
U paŭdniova-zachodnich rajonach nočču prahnazujecca minus 12—16 hradusaŭ, dniom — ad 7 da 10 hradusaŭ marozu.
