Adpiavańnie pačniecca a 13-j hadzinie pa ŭkrainskim časie, paviedamlajuć u sacyjalnych sietkach.
Michał Žyźnieŭski zahinuŭ 22 studzienia ŭ Kijevie ŭ časie sproby śpiecnazaŭcaŭ, viernych Viktaru Janukoviču, ačyścić vulicu Hrušeŭskaha. Kula, vypuščanaja sa zbroi 12-milimietrovaha kalibra, prajšła jahonaje cieła naskroź.
Pavodle vynikaŭ niezaležnaha rasśledavańnia, zabityja na vulicy Hrušeŭskaha, u tym liku Žyźnieŭski, zahinuli ad papadańnia kuli, vypuščanaj z hładkastvolnaha ružža. Pryčym ahoń vioŭsia ź blizkaj adlehłaści. Vykazvalisia mierkavańni, što asobnyja ekstremisty ź liku bajcoŭ śpiecpadraździaleńniaŭ zaradžali takija łatunnyja palaŭničyja kuli ŭ ružžy, jakija vykarystoŭvajucca dla stralby humovymi kulami. Technična heta mahčyma.
Tak supała, što raźvitańnie z Žyźnieŭskim adbudziecca ŭ dzień jaho naradžeńnia, 26 studzienia. Siońnia jamu spoŭniłasia b 26 hadoŭ.
