Mikałaja Azarava paklikali na sakretnyja pieramovy. Heta zrabiŭ viadomy rasijski prankier [čałaviek, jaki razyhryvaje pa telefonie — NN] Vavan 222. Jon patelefanavaŭ premjer-ministru Ukrainy i pradstaviŭsia Vitalom Kličko, raskazaŭ ukrainski kanał TSN.
Azaraŭ admoviŭsia abmiarkoŭvać detali pa telefonie i prapanavaŭ sustrecca asabista. « Heta možna nieaficyjna zrabić. Sustrecca, tak by mović, na niejtralnaj terytoryi. Možna dzie zaŭhodna — dzie zadavolić i ciabie, i mianie. A možna zavieści ciabie tak, što nichto i viedać nie budzie, da mianie ŭ kabiniet», — skazaŭ Azaraŭ.
Prankier Vavan 222 viadomy svaimi rozyhryšami pa telefonie roznych viadomych palitykaŭ i hramadskich dziejačaŭ. U 2011 hodzie, naprykład, jon dazvaniŭsia da kiraŭnika rasijskaha Centrvybarkama i paviedamiŭ tamu pra jaho adstaŭku.
