Łukašenka daručyŭ u ramkach kryminalnaj spravy praanalizavać škodu ad zryvu terminaŭ madernizacyi «Viciebskdreva».
Takoje daručeńnie jon daŭ siońnia ŭ čas narady ab stanie i pierśpiektyvach raźvićcia arhanizacyj kancerna «Biellespapierapram».
«Zaprasicie hienprakurora, daručycie ŭ miežach kryminalnaj spravy razhledzieć usie pytańni i paličyć straty. Sa mnoj ŭzhadniać nie treba: treba za kimści prasačyć, pravieści apieratyŭnyja dziejańni, sadzić u śledčy izalatar — sadzicie», — zajaviŭ jon.
Pryčynaj dla hnievu stała čarhovy adkład terminu poŭnaha ŭvodu ŭ ekspłuatacyju vytvorčych linij u na AAT «Viciebskdreŭ».
Jak dałažyŭ staršynia Viciebskaha abłvykankama Alaksandr Kosiniec, «zavod pabudavany, ale jość prablema: nizkaja efiektyŭnaść vientylacyjnaj sistemy cecha farmovačnaha presa». «Uzrovień farmaldehidu pieršapačatkova pieravyšaŭ hranična dapuščalnuju kancentracyju ŭ 5 razoŭ — ciapier u 2. U cechu biez reśpiratara znachodzicca niebiaśpiečna», — pryznaŭ jon.