Biełaruskaja armija chacieła źniać Su-27 z ŭzbrajeńnia, ale pa patrabavańni prezidenta samaloty atrymajuć druhoje žyćcio.
U 2013 hodzie biełaruskaja armija pryniała rašeńnie źniać Su-27 z ŭzbrajeńnia ŭ suviazi z vyčarpańniem ich lotnaha resursu. Adnak Alaksandr Łukašenka padčas naviedvańnia 61-j źniščalnaj avijabazy nie pahadziŭsia z takim rašeńniem i zahadaŭ vyvučyć pytańnie ab padaŭžeńni resursu hetych samalotaŭ.
Na heta staršynia dziaržaŭnaha vajenna-pramysłovaha kamiteta Biełarusi Siarhiej Huruloŭ zajaviŭ, što hatovy adnavić samaloty, paviedamlaje BiełTA.
Pavodle jaho słoŭ, jość mahčymaść pravieści hłybokuju madernizacyju vajennych samalotaŭ SU-27. Jany mohuć być pastaŭleny na inšuju avijoniku, bolš sučasnyja srodki paražeńnia i abarony, havorka idzie jak pra kłas «pavietra-pavietra», tak i «pavietra-pavierchnia».
Na dadzieny momant biełaruskaja armija maje ŭ svaim rasparadžeńni bolš za 10 Su-27, jakija źniachodziacca ŭ 61-j avijabazie pad Baranavičami (Bresckaja vobłaść).
