U bližejšy čas Biełaruś maje namier paćvierdzić zaprašeńnie naviedać krainu dla šerahu śpiecdakładčykaŭ Savieta AAN (SPČ) pa pravach čałavieka. Pra heta zajaviŭ načalnik hałoŭnaha ŭpraŭleńnia šmatbakovaj biełaruskaha dypłamatyi MZS Juryj Ambrazievič 10 lutaha na bryfinhu ŭ Minsku.
U pryvatnaści, havorka idzie pra śpiecdakładčyk pa svabodzie ŚMI, svabodzie relihii, svabodzie sudździaŭ, pa handli ludźmi i dziciačaj parnahrafii, pa pravach mihrantaŭ, pa hvałcie ŭ adnosinach da žančyn.
Na pytańnie BiełaPAN, čamu nie paćviardžajecca zaprašeńnie dla vizitu śpiecdakładčyka pa situacyi ŭ Biełarusi Savieta AAN pa pravach čałavieka Mikłaša Charašci, Ambrazievič adkazaŭ: «My nie ličym, što jon moža ci zdolny vieści kanstruktyŭny dyjałoh z uradam Biełarusi ŭ siłu śpiecyfičnych asabistych jakaściaŭ i pieradhistoryi pytańnia (stvareńnia pasady śpiecdakładčyka - BiełaPAN.), a taksama tamu, što stvareńnie hetaj pasady ažyćciaŭlałasia biez zhody ź biełaruskim uradam».
Ambrazievič nazvaŭ niapravilnym mierkavańnie ab tym, što dadzienaja pasada daje mahčymaść biełaruskamu ŭradu vieści kanstruktyŭny dyjałoh z SPČ. Padobnyja pasady, padkreśliŭ jon, pavinny ŭvodzicca tolki na dobraachvotnaj asnovie i pa ŭzhadnieńni z uradam krainy. Tolki tady jany zmohuć spryjać palapšeńniu situacyi.
Adkazvajučy na pytańnie, čamu da hetaha času nie byli ažyćcioŭleny vizity tematyčnych dakładčykaŭ i Viarchoŭnaha kamisara AAN pa pravach čałavieka Navi Piłej, Ambrazievič paviedamiŭ, što zaprašeńni im byli nakiravany jašče ŭ 2010 hodzie. «Vizity nie byli realizavany, mabyć, z-za pazicyi ŭpraŭleńnia Viarchoŭnaha kamisara ab tym, što, kali isnuje krainavy dakładčyk, vizity inšych dakładčykaŭ nie patrebnyja», - skazaŭ jon.
Na ŭdakładnieńnie BiełaPAN ab tym, što Viarchoŭny kamisar pa pravach čałavieka admoviłasia ad vizitu ŭ suviazi z tym, što biełaruski bok nie harantavaŭ joj sustreču z palitviaźniami, jakija znachodziacca ŭ turmie, Ambrazievič zaŭvažyŭ: «Pytańnie ab sustrečy ź imi, mahčyma, i było, ale čamu biełaruskaja dziaržava pavinna ŭ parušeńnie ŭłasnaha zakanadaŭstva iści na takija dziejańni?».
