Ukrainski aliharch Rynat Achmietaŭ pierakanany, što «niama takich abstavin, jakija apraŭdvajuć prymianieńnie siły ŭ adnosinach da mirnaha nasielnictva».
Pra heta havorycca ŭ zajavie pres-sakratara Achmietava, pašyranaj u aŭtorak uviečary, paviedamlaje «Interfaks-Ukraina».
«Mirnyja ludzi nie pavinny pakutavać ni ŭ jakim razie. Heta pavinna stać hałoŭnaj zadačaj i ŭłady, i apazicyi, usich supraćlehłych siłaŭ», — havorycca ŭ zajavie.
«Čałaviečyja achviary i paciarpiełyja z boku pratestoŭcaŭ i pravaachoŭnikaŭ padčas vuličnych sutyknieńniaŭ — niedapuščalnaja cana za palityčnyja pamyłki», — ličyć aliharch.
U zajavie taksama adznačajecca, što Achmietaŭ zaklikaje «spynić pralićcio kryvi na vulicach Kijeva, usim varahujučym siłam terminova viarnucca ŭ pieramoŭny praces i ni na chvilinu nie spyniać pracu da taho času, pakul nie budzie znojdziena rašeńnie pa vychadu Ukrainy z hłybokaha palityčnaha kryzisu».
