Z pazovam vystupiŭ hramadzki aktyvist, siabar Abjadnanaj hramadzianskaj partyi Leanid Sudalenka.
Jak napisaŭ u pazovie ŭ sud spadar Sudalenka, u artykule «Svaich dziaciej — za miažu, čužych — «u baraćbity za demakratyju» (nadrukavany sioleta 2 žniŭnia), aŭtar S.Hrušenka prypisaŭ jamu «nia tolki amaralnyja, ale navat i złačynnyja dziejańni».
U artykule pisałasia, što siabry zakrytaha ŭładami hramadzkaha abjadnańnia «Hramadzianskija inicyjatyvy», siabram jakoha byŭ i Sudalenka, zaklikali moładź, nazvanuju hazetaj «harmatnym miasam», udzielničać u antyhramadzkich mierapryjemstvach.
Było napisana, što syn aktyvista pajechaŭ na vučobu ŭ Polšču pavodle prahramy dla apazycyjnych aktyvistaŭ, choć u dziejnaści apazycyi ŭdziełu nia braŭ.
Spadar Sudalenka papiarednie źviartaŭsia ŭ redakcyju hazety — patrabavaŭ abvierhnuć niesapraŭdnyja źviestki, ale adkazu nie atrymaŭ.
Tamu Leanid Sudalenka i źviarnuŭsia ŭ sud z pazovam pra abaronu honaru j hodnaści.
