Najlepšyja analityki byli niazdolnyja pradkazać pieramohu Majdanu.
«Janukovič, kaniečnie, małajčyna. Vydatny blef z Asacyjacyjaj». Dzianis Mieljancoŭ, 17 śniežnia
«Majdan nie spracavaŭ, jak chaciełasia b jaho natchnialnikam. Efiekt daje tolki abjadnańnie kanstruktyŭnaj častki apazicyi z refarmatarskaj častkaju ŭładnaj elity». Dzianis Mieljancoŭ, 17 studzienia
«Na Majdan vyjšła bolš ludziej, čym na biełaruskuju Płošču, i Janukovič zastajecca pry ŭładzie. Łozunh pra toje, što vulica vyrašaje ŭsio, patrabuje pieraasensavańnia. Płošča moža być tolki apošnim akordam pieramožnaj vybarčaj kampanii». Alaksandr Kłaskoŭski, 23 studzienia
«Majdan dakazvaje, što siońnia Płošča nie pracuje, navat kali vyjdzie miljon i budzie kidacca «kaktejlami Mołatava». Ale kali ŭłada nie choča, kali nie maje žadańnia razmaŭlać z taboj, nie choča niešta źmianiać, to ničoha i nie źmienicca». Andrej Dźmitryjeŭ, 4 lutaha (Dźmitryjeŭ, pa jaho słovach, pieradaje dumki šarahovych vybarcaŭ, ź jakimi jon sustrakaŭsia.)
«Tyja, chto dumaje, što Janukovič palityčny trup, — mocna pamylajucca». Dzianis Mieljancoŭ, 22 lutaha
Pieračytvaješ hetyja acenki i prahnozy i dumaješ, jak važna mieć krytyčnaje myśleńnie. U tym liku i ŭ dačynieńni da ekśpiertnych acenak.
Viadoma, nielha pieranosić asobnyja pamyłki na ŭsiu analityčnuju supolnaść. Havorka tut pra toje, jak biełaruski kantekst upłyvaŭ na ich usprymańnie ŭkrainskaj situacyi.
U siłu situacyi, jakaja skłałasia ŭ Biełarusi, analityki pierastali nadavać značeńnie voli naroda. Rasija, Jeŭropa, namienkłatura, elity, kanstruktyŭnaja apazicyja — značeńnie hetych faktaraŭ uličvajecca, a volu naroda zabyvajucca.
Jak vy dumajecie, čamu pamylalisia analityki? Vykazvajciesia ŭ kamientach.
