Rasiejskija ŭłady pavinny ŭstrymacca ad praźmiernaj padtrymki źbiehłaha prezidenta Ukrainy Viktara Janukoviča, jakaja moža pryvieści da supraćstajańnia z novymi ŭładami krainy, zajaviŭ były ministr finansaŭ Rasii Alaksiej Kudryn.
Janukovič, adchileny ad ułady rašeńniem parłamienta Ukrainy paśla biesparadkaŭ u centry Kijeva, pa-raniejšamu ličyć siabie zakonna abranym prezidentam, znachodzicca ŭ Rasii z dazvołu ŭładaŭ i płanuje pravieści pres-kanfierencyju ŭ Rastovie-na-Donie, pieradaje RIA «Novoosti».
«Ja nie suprać, kab Janukovič pryjechaŭ siudy, ale ja b paźbiahaŭ zališniaj jaho padtrymki abo supraćstajańnia z novymi ŭładami Ukrainy», — zajaviŭ Kudryn, jaki paśla 11 hadoŭ pracy na pasadzie ministra finansaŭ źjaŭlajecca adnym z samych upłyvovych apazicyjnych palitykaŭ u Rasii.
«Sprava ŭkrainskaha naroda — vyrašać svoj los. Janukovič moža znachodzicca tut, ale jon sam pavinien vyznačać svaje adnosiny z novaj uładaj Ukrainy, tut Rasieja nie pavinna ŭmiešvacca. I niekatoryja spantannyja dziejańni Dziaržaŭnaj dumy, jakija zaraz adbyvajucca, mianie turbujuć, naściarožvajuć», — dadaŭ jon.
Kudryn padkreśliŭ, što značnaja častka ŭkraincaŭ chacieła b asacyjavać siabie ź jeŭrapiejskimi kaštoŭnaściami, i Rasija pavinna pavažać heta žadańnie. Kudryn pakazaŭ, što rašeńnie Janukoviča raptam admovicca ad padpisańnia handlovaha pahadnieńnia ź Jeŭrapiejskim Sajuzam było «najhrubiejšaj pamyłkaj», jakaja i pryviała da katastrofy.
«Aŭtamabil niebiaśpiečny, nie kali jon na poŭnym chadu, a kali jon vielmi chutka tarmozić — jaho zanosić, a to i pieravaročvaje. Što my i ŭbačyli», — skazaŭ Kudryn.
Kudryn skazaŭ, što ekanamičny kryzis va Ukrainie ŭžo pryvioŭ da pasłableńnia rasijskaha rubla, a ŭ dalejšym moža adbicca na košcie kredytaŭ dla rasijskich pazyčalnikaŭ na mižnarodnych rynkach kapitału.
«Jość jašče momant zaražeńnia susiedniaj ekanomiki svaimi prablemami. Pakolki my vydali kredyt, jaki pakul niezrazumieła jak dalej budzie absłuhoŭvacca. Zaraz roznyja pazicyi ŭ dačynieńni da novaj ułady. U cełym, ryzyki na rasijskim rynku taksama pavialičvajucca», — skazaŭ Kudryn.
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier

Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu

Kamientary