Pietycyju da prezidenta Rasii skłali siońnia. Pad joj užo bolš za try tysiačy podpisaŭ. Aŭtary zvarotu zajaŭlajuć, što etničnych ruskich i ruskamoŭnych hramadzian Ukrainy nichto i nikoli nie ŭščamlaŭ na terytoryi Ukrainy.
Ludzi prosiać Pucina nie ŭvodzić vojski dla ŭrehulavańnia nadumanaha kanfliktu.
«My — etničnyja ruskija i ruskamoŭnyja hramadzianie Ukrainy — nie majem patreby ŭ abaronie našych intaresaŭ inšymi dziaržavami. My dziakujem vam za padtrymku, adnak, chočam danieści da vas infarmacyju pra toje, što nas nichto i nikoli nie ŭščamlaŭ na terytoryi Ukrainy. My zaŭsiody žyli svabodna i ščaśliva, razmaŭlajučy na zvykłaj nam movie. U škołach my taksama vyvučali i dziaržaŭnuju movu Ukrainy i vałodajem joju nastolki dobra, što adčuvajem siabie kamfortna ŭ ukrainamoŭnym asiarodździ.
Tamu, pry ŭsioj pavazie da vašaha kłopatu, my prosim vas nie ŭzdymać na dziaržaŭnym uzroŭni Rasijskaj Fiederacyi ŭnutranaje pytańnie našaj krainy, jakoje nie źjaŭlajecca dla nas vostrym. Tym bolš ŭvodzić vojski dla ŭrehulavańnia kanfliktu, jaki, mahčyma, bačycie vy, ale nie bačym my. Dziakujem vam za razumieńnie. Z pavahaj, ruskija i ruskamoŭnyja HRAMADZIANIE UKRAINY», — havorycca ŭ tekście pietycyi.
Pietycyja raźmieščana ŭ sietcy Internet.
Kamientary