Niezaležnaść — heta dobra.
Kali b Krym byŭ niezaležnym, to:
— Janukoviču było b składaniej pieramahčy ŭ 2010,
— u Viarchoŭnaj Radzie było b na paŭtara dziasiatka mienš deputataŭ Partyi rehijonaŭ,
— u 2014 u Kijevie było b na paru sotniaŭ mienš bierkutaŭcaŭ,
— Janukovič i Lebiedzieŭ nie zmahli b źbiehčy ŭ Krym (praz ukrainska-krymskuju miažu),
— na terytoryi Ukrainy nie było b rasijskich vajskovych baz,
— pa terytoryi Ukrainy nie raźjazdžali b rasijskija vojski sa zbrojaj,
— v.a. ministra ŭnutranych spraŭ Ukrainy zajmaŭsia b rašeńniem prablem u Kijevie, a nie ŭ Krymie,
— krymčuki b ciapier žyli svaim spakojnym žyćciom, a nie źbiralisia na płoščach palić ściahi i bić adzin adnaho,
Na ŭzrovień žyćcia kijeŭcaŭ i lvoŭcaŭ najaŭnaść abo adsutnaść Kryma ŭ składzie Ukrainy nie ŭpłyvaje.
Pytańnie tolki ŭ tym, što maje sens zadumacca ab tym, jakoje mienavita była b žyćcio ŭ Krymie dla ŭsich hrupaŭ nasielnictva ŭ vypadku adździaleńnia. Naturalna, vielmi važna, kab tam nie było dyktatury, karupcyi, dyskryminacyi pa nacyjanalnaj i moŭnaj prykmiecie, biezzakońnia.
Jaskravy prykład zusim žudasnaj baraćby za niezaležnaść — Abchazija; u mianie jość siabry-hruziny, u jakich adabrali ŭsiu nieruchomaść i majomaść i vyhnali z Abchazii prosta za nacyjanalnaść, i jany byli ščaślivyja, što ich nie zabili. I vynik — zusim niedemakratyčnaja karumpavanaja ŭłada.
Varta aryjentavacca na mirna-demakratyčnuju niezaležnaść; naprykład — Estonija, u jakoj ruskija narmalna ŭžyvajucca z estoncami.
Pra Krym ciapier idzie razmova ŭ farmacie «Ukraina ci Rasieja». Pa ŭsich paramietrach krymčukam značna lepš być u składzie Ukrainy, čym u składzie Rasiei. Ale varta zadumacca — a moža pry sapraŭdnaj niezaležnaści (a nie fiktyŭnaj pa farmacie Paŭdniovaj Asiecii) — budzie lepš i krymčukam, i astatnim ŭkraincam?
Nie zabyvajciesia, što Ukraina i niezaležny Krym mohuć damovicca, siabravać, mieć biaźvizavy režym, sproščanuju mytniu i što zaŭhodna. I ŭ ES mohuć ustupić taksama — dvuma krainami. Što drennaha ŭ raŭnapraŭi?
Šmat maleńkich krain — zaŭsiody lepš, čym mała vialikich. Łakalnyja prablemy vyrašać praściej, čym dalokija. Karupcyju pieramahać u maleńkich krainach praściej (hł. Hruziju z 4,5 młn ludziej). Uładzie składaniej addalacca ad naroda ŭ maleńkich krainach. Biudžet piłavać składaniej. Sałdataŭ armij maleńkich krain nie adpraŭlajuć zabivać sieparatystaŭ, i maleńkija krainy nie marnujuć miljardy na avijanoscy. Z maleńkimi krainami lahčej siabrujuć inšyja krainy.
U maleńkich krain adzin niedachop — miedaloŭ na alimpijadach mienš. Ale, moža, heta možna pieražyć?
Kali maskvičy vystupajuć suprać adździaleńnia Čačni i Dahiestana — heta impierskaje myśleńnie. I nastolki ž impierskaje myśleńnie — kali kijeŭcy vystupajuć suprać adździaleńnia Krymu.
Dajcie ludziam vyrašać na miescy.
Dla paŭnaty karciny: ja za niezaležnaść (mirnuju, demakratyčnuju, pa samavyznačeńni) usiudy.
Ludzi zaŭsiody pa zmaŭčańni suprać pamianšeńnia płoščy ich krainy, tamu što ŭ ich jość emacyjny adčuvańnie — «majo». I niezaležnaść rehijona dla ich ekvivalentnaja tamu, jak kali b ad ich kvatery adrezali kavałak i pastavili miažu. Ale treba zrazumieć, što heta zusim roznyja rečy.
Zaraz krymčuki dziejničajuć ad strachu. Im strašna i niezrazumieła, što adbyvajecca ŭ dalokim Kijevie. Jany bajacca, što im zabaroniać razmaŭlać pa-rasiejsku; jany bajacca, što pryjedzie «Pravy siektar» i zakidaje ŭsich «kaktejlami Mołatava». Ich možna zrazumieć. I zaŭsiody možna zrazumieć, kali ludziam nie padabajecca, što rašeńni ab tym, jak im žyć, prymajucca čužymi ludźmi dzieści daloka.
Mir.
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier

Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu

Kamientary