Byłyja milicyjanty Edvard Mištal i Januš Smuha, jakija źbivali ŭ 1983 h. supracoŭnikaŭ Prymasaŭskaha Kamitetu Samapomačy, asudžanyja na piać i čatyry hady turmy. Prysud staŭ viadomy ŭ aŭtorak. Dziakujučy amnistyi, Mištal budzie siadzieć dva z pałovaj hady, Smuha – dva.
3 traŭnia 1983 hodu ludzi Mištala z antyterarystyčnaha adździełu milicyi ŭvarvalisia na terytoryju klaštaru siaścior-franciškanak u varšaŭskim Starym Mieście. Tam u hety čas sabralisia supracoŭniki Prymasaŭskaha Kamitetu. Milicyja mieła infarmacyja, što jany zajmajucca «apazycyjnaj dziejnaściu».
Zatrymanych pavieźli ŭ les, pa darozie pahražajučy rasstrełam, źbivajučy i abražajučy. U lesie ludziej vypuścili ŭ lesie, skanfiskavaŭšy hrošy i zabraŭšy dakumenty.
Taja milicejskaja antyterarystyčnaja bryhada na čale ź Mištalem była stvoranaja ŭ 1981 hodzie. Jaje bajcy ŭdzielničali ŭ razhonie strajku ŭ varšaŭskaj pažarnaj škole ŭvosień 1981 h. Padčas vajennaha stanovišča jany zatrymlivali dziejačoŭ padpolla, achoŭvali aeraport Akiencie i nieśli słužbu padčas vizytu papy Jana Paŭła II u Polšču.
Paśla 1990 h. Mištal pakinuŭ palicyju i jak pensijaner zakłaŭ achoŭnuju firmu.
Dziei polskich milicyjantaŭ taho času da bolu nahadvajuć ciapierašnija podźvihi biełaruskich specnazaŭcaŭ. Mnohija ich dziejańni parušajuć zakanadaŭstva. Zadakumentavanyja vypadki dajuć nadzieju na pieramohu zakonnaści i spraviadlivaści ŭ budučyni – chaj navat praz 23 hady, jak u Polščy.
