5 sakavika, u Papialcovuju sieradu, pačynajecca Vialiki post. U hety dzień, u adpaviednaści z daŭniaj tradycyjaj chryścijanstva, u kaściołach padčas Imšaŭ adbyvajecca pasypańnie hałovaŭ viernikaŭ popiełam.
U pieršyja stahodździ chryścijanstva hety znak vykarystoŭvaŭsia ŭ jakaści bačnaha pačatku (časam doŭhaterminovaha abo praz usio žyćcio) pakajańnia paśla publičnaj spoviedzi pierad adpuščeńniem hrachoŭ. Z VI pa X stst. u Kaściole raspaŭsiudziłasia praktyka indyvidualnaj spoviedzi, i hety ŭčynak jak znak chutkapłynnaha čałaviečaha isnavańnia, smutku, škadavańnia, nieabchodnaści pieramianieńnia i ačyščeńnia pierad Vialikadniem pačali achvotna prymać usie vierniki, jakija ŭdzielničali ŭ liturhii pačatku Vialikaha postu, paviedamlaje catholic.by
Nakont abmiežavańniaŭ u ježy na sučasnym etapie Kaścioł patrabuje ad viernikaŭ (usich zdarovych ludziej ad 18 da 60 hadoŭ) ścisły post (adzin pasiłak dasyta na praciahu dnia) tolki dva razy na hod: u Papialcovuju sieradu i ŭ Vialikuju piatnicu. U inšyja dni asablivych pradpisańniaŭ niama. Kožny viernik moža sam abrać sabie pastanovy na post, kab hłybiej pieražyć hety čas.
U Papialcovuju sieradu katoliki prymajuć udzieł u śviatoj Imšy, a taksama ŭstrymlivajucca ad spažyvańnia miasa, čaho nie patrabujuć astatnija dni postu, akramia piatnic. Zavieršycca post Vialikim čaćviarhom.
Sioleta Vialikdzień kataliki i pravasłaŭnyja śviatkujuć supolna — 20 krasavika.
