U rasijskim Novačarkasku na mitynhu ŭ padtrymku Krymu i ŭschodniaj Ukrainy vystupiła dobra viadomaja va Ukrainie «hastralorša», jakuju bačyli na prarasijskich mitynhach u Charkavie, Sievastopali i Kijevie.
Žančyna vystupiła sa sceny, pradstaviŭšysia uciakačkaj z Daniecka, i raspaviała, jak «uciakała nočču». Vystup pakazali ŭ siužecie rasijskaha Pieršaha kanała.
«Litaralna ŭčora nočču, prabirajučysia ŭ, možna skazać, žudasnych umovach, my praktyčna, možna skazać, biehli z Daniecka. Heta było vielmi baluča», — zajaviła žančyna sa sceny.
Raniej «hastralorša» u roli «adesitki» vystupała ŭ Sievastopali — prasiła dapamohi ŭ Rasii. A niekalki dzion raniej žančyna, zamatanaja ŭ rasijski ściah, demanstravała svoj talent pramoŭcy na mitynhu ŭ Charkavie.
Bačyli jaje i ŭ lutym u Kijevie — u futbołcy «sałdackaj maci» i ź simvolikaj Partyi rehijonaŭ jana chadziła da barykady na Hrušeŭskaha.
