Pomnik Kalinoŭskamu |
Dzień pamiaci na śvisłackaj ziamli, radzimie Kastusia i Viktara Kalinoŭskich, budzie adznačacca demakratyčnaj supolnaściu ŭžo ŭ trynaccaty raz.
U prahramie Dnia pamiaci malebien ŭ miascovym kaściole, uračystaje ŭskładańnie kvietak da pomnikaŭ hierojam paŭstańnia Kastusiu Kalinoŭskamu i Ramualdu Traŭhutu, naviedvańnie vioski Jakušoŭka, dzie zachavalisia pareštki padmurkaŭ siadziby Kalinoŭskich, pobač ź jakoj u 1997 hodzie aktyvistami demakratyčnaha ruchu byŭ ustalavany pamiatny kryž, kancert.
Na Dzień pamiaci paŭstancaŭ 1863 hodu ŭ Śvisłač štohod źjazdžajecca ŭsio bolšaja kolkaść ludziej. Śvisłač, adziny nasieleny punkt u Biełarusi, dzie ŭstalavany pomnik Kastusiu Kalinoŭskamu. Na miascovych mohiłkach pachavany starejšy brat Kastusia Viktar, jaki ličycca idejnym natchnialnikam nacyjanalna‑vyzvolnaha ruchu ŭ Biełarusi ŭ druhoj pałovie XIX st.
Mahiła Viktara Kalinoŭskaha była adšukanaja na śvisłackich mohiłkach u 1996 hodzie haradzienskim žurnalistam Źmicieram Kisialom i miascovymi aktyvistami demakratyčnaha ruchu. Na mahile byŭ ustalavany pomnik, a miesca pachavańnia dobraŭparadkavana. Z taho času adznačeńnie Dnia pamiaci paŭstancaŭ u Śvisłačy stałasia tradycyjnym.
Usim achvotnym uziać udzieł u Dni pamiaci paŭstancaŭ 1863 hodu, jaki projdzie ŭ Cvisłačy 27 kastryčnika, źviartacca na adras [email protected]
Pomnik Kastusiu Kalinoŭskamu u centry Śvisłačy |
Mohiłki, dzie pachavany starejšy brat Kastusia Viktar |
Mahiła Viktara Kalinoŭskaha |
Pamiatny kryž u vioscy Jakušoŭka, dzie zachavalisia pareštki padmurka siadziby Kalinoŭskich |
Fota Julii Daraškievič