«Kyrhyzskaja Respublika asudžaje lubyja dziejańni, nakiravanyja na destabilizacyju abstanoŭki va Ukrainie, — havorycca ŭ zajavie Ministerstva zamiežnych spraŭ krainy. — Tamu ličym niedarečnaj i nieadekvatnaj zajavu Janukoviča ad 11 sakavika biahučaha hoda.
Adzinaj krynicaj ułady ŭ luboj krainie źjaŭlajecca narod. Nie moža być lehitymnym prezident, jaki całkam straciŭ davier svajho naroda, de-fakta zhubiŭ prezidenckija paŭnamoctvy i, bolš za toje, jaki ŭciok sa svajoj krainy. Mienavita niepradumanyja dziejańni i karumpavanaść byłych uładaŭ Ukrainy pryviali da siońniašniaha kryzisu i hibieli dziasiatkaŭ niavinnych ludziej.
Kyrhyzskaja Respublika vystupaje za najchutčejšaje ŭrehulavańnie situacyi ŭ Ukrainie mirnymi srodkami, šlacham pieramovaŭ i dyjałohu, pry biezumoŭnym zachavańni normaŭ mižnarodnaha prava i Statuta AAN», — havorycca ŭ zajavie Kyrhyzstana.
Kirhizija była druhim na čarzie pretendentam na ŭstupleńnie ŭ Mytna sajuz paśla Armienii. Biškiek, praŭda źviazvaŭ hety krok z atrymańniem ad Maskvy značnych finansavych srodkaŭ na «adaptacyju». U cełym Kirhizija značna macniej zaležyć ad Kazachstana, čym ad Rasii.
