Amal 100 rasijskich dziejačaŭ kultury, pravaabaroncaŭ i palitołahaŭ padpisali adkryty list ź inicyjatyvaj ab praviadzieńni Kanhresa intelihiencyi suprać vajny, suprać samaizalacyi Rasii, suprać restaŭracyi tatalitaryzmu». Zvarot apublikavany ŭ čaćvier, 13 sakavika, na sajcie «Novoj haziety».
Na momant publikacyi naviny list padpisali 90 čałaviek — u pryvatnaści, piśmieńniki Dźmitryj Bykaŭ, Viktar Jerafiejeŭ, Ludmiła Ulickaja, Uładzimir Vajnovič, Andrej Bitaŭ, Ihar Ircieńjeŭ, Viktar Šenderovič, akciory Michaił Jafremaŭ, Lija Achiedžakava, Alaksiej Dziavotčanka, Leŭ Pryhunoŭ, režysiory Eldar Razanaŭ, Andrej Śmirnoŭ, muzykant Andrej Makarevič i inšyja.
«Naša kraina apynułasia ŭkinutaj u niebiaśpiečnuju avanturu. Pad łozunham «Abaronim ruskich u Krymie, a taksama ŭsich ukraincaŭ ad novaj nielehitymnaj fašysckaj ułady va Ukrainie!» ŭžo adbyłasia faktyčnaja aneksija Kryma, — havorycca ŭ zvarocie.
«Mierkavańnie intelihiencyi, nie zhodnaj z palitykaj, što pravodzicca ŭładami, pavinna być vykazana bolš vyrazna i hučna. A dla hetaha nieabchodna ŭžo ŭ bližejšyja dni pravieści Kanhres rasijskaj intelihiencyi z zaprašeńniem pradstaŭnikoŭ ukrainskaj intelihiencyi. Na Kanhresie my nie tolki abmiarkujem biahučaje stanovišča i vykažam svajo staŭleńnie, ale i pasprabujem znajści šlachi vychadu ź situacyi, jakaja pazbaŭlaje našu krainu pierśpiektyŭ jakoha-kolviečy hodnaha žyćcia ŭ budučyni…», — zajavili aŭtary lista.
