Na VIII pazačarhovym źjeździe HA «Biełaruski słavianski kamitet» 15 sakavika było pryniata rašeńnie ab pieraŭtvareńni hramadskaha abjadnańnia ŭ adnajmiennuju partyju, paviedamlaje pres-słužba arhanizacyi. Na źjeździe vybrali kiraŭnictva partyi. Staršynioj staŭ Siarhiej Kaścian.
U supołcyi BSK u «UKantakcie» pryvodzicca zajava arhanizacyi, pryniataja na źjeździe: «My, delehaty VIII pazačarhovaha źjezda hramadskaha abjadnańnia «Biełaruski słavianski kamitet», padtrymlivajem i ŭchvalajem miery, pryniatyja prezidentam Respubliki Biełaruś pa arhanizacyi biaśpieki našaj respubliki i Sajuznaj dziaržavy Biełarusi i Rasii ŭ cełym! My śviata vierym u toje, što narody Biełarusi, Rasii i Ukrainy buduć u adzinaj sajuznaj dziaržavie biez unutranych miežaŭ!»
Biełaruski słavianski kamitet pazicyjanuje siabie jak «hramadskaje niaŭradavaje nacyjanalnaje abjadnańnie, jakoje źjaŭlajecca składanaj častkaj mižnarodnaha słavianskaha ruchu».
