Itar-tass.com
Rost papularnaści tłumačycca padziejami ŭ Krymie i pośpiechami na Alimpijadzie ŭ Sočy, adznačyli sacyjołahi.
Rejtynh prezidenta RF Uładzimira Pucina dasiahnuŭ maksimalnych pakazčykaŭ za apošnija piać hadoŭ. Pra heta śviedčać dadzienyja apytańnia, praviedzienaha Usierasijskim centram vyvučeńnia hramadskaj dumki (UCVHD).
Na vybarach prezidenta RF za Pucina hatovyja prahałasavać 60% rasijanaŭ. Pavodle vynikaŭ daśledavańnia, apublikavanych 20 sakavika, rejtynh adabreńnia dziejnaści Pucina dasiahnuŭ rekordna vysokich značeńniaŭ za apošnija piać hadoŭ — 75,7%.
«Hetaki vysoki ŭzrovień adabreńnia raboty prezidenta zafiksavany ŭ pieršuju čarhu ŭ suviazi sa składanaj palityčnaj situacyjaj va Ukrainie i padrychtoŭkaj refierendumu ŭ Krymu (hetyja padziei nazvali hałoŭnymi za minuły tydzień 63% respandentaŭ), na chvali tryumfalnaha vystupleńnia rasijskaj paralimpijskaj zbornaj u Sočy (32%)», — tłumačać sacyjołahi.
Pry hetym UCVHD adznačaje, što za apošni miesiac ŭzrovień adabreńnia dziejnaści prezidenta vyras na 11,4% a z pačatku hoda — na 15,1%. Važny i toj fakt, što siarod žycharoŭ Maskvy i Sankt-Pieciarburha, jakija ŭ apošnija try hady davali bolš nizkuju acenku pracy prezidenta, čym rasijanie ŭ siarednim, u apošnija miesiacy ŭzrovień adabreńnia raboty Pucina taksama značna vyras i dasiahnuŭ maksimumu za piać hadoŭ — 71,3%.
Treba ŭzhadać, što na prezidenckich vybarach u 2012 hodzie Uładzimir Pucin pieramoh, atrymaŭšy padtrymku 63,6% vybarščykaŭ.
U siarednim za apošnija dva hady rasijanie ŭchvalali pracu prezidenta na ŭzroŭni 60 % i vyšej, a maksimalnyja značeńni hetaha pakazčyka byli zafiksavanyja ŭ mai 2012 hoda (68,8%) i ŭ pačatku sakaviku 2014 hoda (71,6%).
Usierasijskaje apytańnie UCVHD praviedzienaje15—16 sakavika 2014. U im uziali ŭdzieł 1,6 tys. čałaviek u 130 nasielenych punktach. Statystyčnaja chibnaść nie pieravyšaje 3,4%.
Jak rasijanie staviacca da ŭvachodžańnia Kryma ŭ skład RF?
91% rasijan zhodnyja z dałučeńniem Kryma da Rasii ŭ jakaści subjekta RF. U Maskvie dałučeńnie Kryma padtrymlivajuć 90%. Pry hetym u stalicy siaredniaja ličba niazhodnych z dałučeńniem Kryma da Rasii vyšej, čym u siarednim pa Rasii. U Maskvie heta rašeńnie nie padtrymlivajuć 8,1% apytanych, u toj čas jak u cełym pa krainie — 4,1%. Takija vyniki sumiesnaha apytańnia fondu «Hramadskaja dumka» i Usierasijskaha centra vyvučeńnia hramadskaj dumki, jaki sacyjołahi pravodzili z 14 pa 16 sakavika.
