Ukraina budzie hatovaja padpisać ekanamičnuju častku pahadnieńnia ź ES paśla vybaraŭ prezidenta [25 maja]. Pra heta zajaviŭ premjer Arsień Jacaniuk paśla zaviaršeńnia samitu Jeŭrapiejskaj narodnaj partyi.
«My budziem hatovyja padpisać ekanamičnuju častku pahadnieńnia ź ES paśla prezidenckich vybaraŭ va Ukrainie, ale faktyčna my ŭžo zaraz pačynajem praces ekanamičnych zruchaŭ», — zajaviŭ Jacaniuk.
Premjer padkreśliŭ, što padpisańnie pahadnieńnia — heta «faktyčna pryznańnie taho, što Ukraina stanovicca častkaj abjadnanaj jeŭrapiejskaj prastory».
Jon taksama dadaŭ, što mahčymaść vychadu na jeŭrapiejski rynak i niavypłata adpaviednych impartnych pošlin daść ukrainskaj ekanomicy mahčymaść atrymać zvyš 400 młn dalaraŭ za pieršy hod.
Palityčnuju častku pahadnieńnia ź Jeŭropaj Jacaniuk pavinien padpisać 21 sakavika.
