Biełaruski bok nie bačyć nieabchodnaści ŭ adklikańni pasła Biełarusi va Ukrainie z Kijeva ŭ Minsk. Pra heta paviedamiŭ načalnik upraŭleńnia infarmacyi — pres-sakratar MZS Dźmitryj Mirončyk.
«U suviazi z paviedamleńniem pra adklikańnie pasła Ukrainy ŭ Biełarusi ŭ Kijeŭ biełaruski bok nie bačyć nieabchodnaści ŭ adklikańni biełaruskaha ambasadara z Kijeva ŭ Minsk», — skazaŭ Mirončyk.
Ukraina adklikała svajho pasła ŭ Biełarusi dla kansultacyj u znak pratestu suprać vykazvańniaŭ Alaksandra Łukašenki, jakija jon zrabiŭ 23 sakavika. Łukašenka zajaviŭ, što Krym de-fakta staŭ častkaj Rasii. Kiraŭnik Biełarusi nie asudziŭ dziejańniaŭ Rasii, ale źvinavaciŭ u stracie Kryma ŭkrainskaje kiraŭnictva. Jon taksama zajaviŭ, što Biełaruś hatovaja pryniać jašče bolš rasijskich samalotaŭ.
