Čaćviorty dzień zapar u Biełarusi ŭstanaŭlivajucca tempieraturnyja rekordy.
24 sakavika byŭ pabity absalutny maksimum dnia, jaki trymaŭsia z 1913 hoda.
Na mieteastancyi «Paleskaja» ŭ Bresckaj vobłaści pavietra prahrełasia da 21,2 hradusa ciapła. Raniejšy maksimum — 19,9 hradusa — byŭ zafiksavany 101 hod tamu ŭ Marjinaj Horcy (Minskaja vobłaść). Na samoj «Paleskaj» dzionny ekstremum pieravyšany na 6,2 hradusa (15 hradusaŭ u 2007 hodzie).
Abnaviŭsia rekord i ŭ stalicy — 18,3 hradusa suprać 18 u 1913 hodzie.
Takaja ž karcina nazirałasia i va ŭsich abłasnych centrach: Viciebsk — 16,2 hradusa (było 15 u 1938 hodzie), Hrodna — 16,4 (15,7 u 2004-m), Mahiloŭ — 18,1 (14,3 u 1959-m), Homiel — 19,4 (14,6 u 1959-m), Brest — 19,5 (17,4 u 1959-m).
Napiaredadni ŭ Minsku byŭ paŭtorany rekord sakavika — plus 18,9 hradusa (takaja ž tempieratura ŭpieršyniu była adznačana 19 sakavika 1990 hoda).
U najbližejšyja sutki na bolšaj častcy terytoryi vielmi ciopłaje dla hetaha času nadvorje zachavajecca. Varta zaznačyć, što ŭ paniadziełak na krajniaj poŭnačy krainy tempieratura była namnoha bližejšaj da klimatyčnaj normy — 8 hradusaŭ.
