Vyvad najaŭnych hrošaj budzie supravadžacca tatalnaj «elektranizacyjaj» raźlikaŭ. U budučym apłatu kartkami buduć taksama prymać paviljony, kijoski, sanatoryi, damy adpačynku, azdaraŭlenčyja kompleksy, spartovyja kompleksy, fitnes-kłuby, dyjahnastyčnyja stancyi techahladu mašyn, taksi.
Pavodle słovaŭ načalnika ŭpraŭleńnia raźvićcia bankaŭskich płaciežnych kartak i elektronnych hrošaj Nacyjanalnaha banka Ludmiły Stefanovič, u krainie padrychtavany prajekt ukaza prezidenta «Ab źnižeńni doli najaŭnych hrošaj».
«My hetuju miažu ŭstalavali ŭ pamiery 1 tysiačy bazavych vieličyń, abo 130 miljonaŭ rubloŭ. Heta značyć zvyš hetaj sumy raźliki pavinny ažyćciaŭlacca tolki bieznajaŭnym płaciažom», — adznačyła Stefanovič.
Jana padkreśliła, što Nacbank i inšyja dziaržorhany pravodziać płanamiernuju pracu pa pavieličeńni doli bieznajaŭnych płaciažoŭ. Dla hetaha raspracavany płan pa raźvićci sistemy bieznajaŭnych płaciažoŭ u roźničnaj śfiery.
«Meta adna — źnižeńnie najaŭnaha hrašovaha zvarotu, kab sadziejničać źnižeńniu cieniavoj ekanomiki i prazrystaści finansavych patokaŭ subjektaŭ haspadarańnia i fizičnych asob», — skazała načalnik upraŭleńnia.
«My pracujem nad tym, kab pavialičyć dolu bieznajaŭnych raźlikaŭ. Na siońnia jana składaje 17%», — adznačyła Stefanovič. Pavodle jaje słovaŭ, uvieś čas pašyrajecca pieralik abjektaŭ, jakija pavinny być abstalavanyja apłatnymi terminałami.
Padrychtavany prajekt pastanovy, zhodna ź jakim dadzienyja pryłady pavinny buduć ustaloŭvacca ŭ paviljonach, kijoskach, sanatoryjach, damach adpačynku, azdaraŭlenčych kompleksach, spartyŭnych kompleksach, fitnies-kłubach, dyjahnastyčnych stancyjach techahladaŭ mašyn, aŭtamabilach-taksi.
«Heta nie značyć, što z vychadam pastanovy usio heta budzie ŭstanoŭlena. Tam idzie hradacyja terminaŭ u zaležnaści ad horada, vobłaści, rajona. Ale ŭ lubym vypadku hetyja patrabavańni buduć vykananyja», — kaža śpiecyjalist.
«I my z vami nie budziem dumać pra najaŭnyja hrošy u kašalku, a budziem raspłačvacca kartkaj», — adznačyła Stefanovič.
Pavodle jaje infarmacyi, siońnia ŭ Biełarusi bankami emitavana 11.800.000 kartak, ź jakich 11.400.000 źjaŭlajucca debietavymi.