Viadomaja śpiavačka Ała Puhačova, mer Jekaciarynburha Jaŭhienij Rojzman, palityk i pradprymalnik Michaił Procharaŭ, hałoŭny redaktar vydaviectva «NŁO» Iryna Procharava, akcior Leanid Jarmolnik, piśmieńnica Ludmiła Ulickaja, televiadučy Alaksandr Lubimaŭ i jašče niekalki čałaviek źviarnulisia da rasijskich uładaŭ — prezidenta, premjera, Savieta Fiederacyi i Dziarždumy, a taksama da ŚMI z zaklikam nie dapuścić hanieńnia muzykanta Andreja Makareviča, a taksama «spynić sproby raźviazvańnia ideałahičnych pahromnych kampanij».
«U Internecie razhornuta sapraŭdnaja infarmacyjnaja traŭla viadomaha dziejača kultury, rok-muzyki, lidara hurtu «Mašyna času» Andreja Makareviča. Uśled za raspaŭsiudam adkrytaj chłuśni pra nibyta najaŭnaść u Makareviča biznesu na ŭkrainskaj terytoryi, u Internecie ŭ čaćvier 27 sakavika, byŭ arhanizavany psieŭda-niezaležny zbor podpisaŭ za pazbaŭleńnie Andreja Makareviča ŭsich dziaržaŭnych uznaharod. Hety dakumient aŭtary pradbačliva raźmiaścili na resursie, jakija nie adnosicca da rasijskaj jurysdykcyi ( www.change.org), pakolki rasijskaje zakanadaŭstva žorstka karaje za takija vykazvańni», — adznačajecca ŭ zvarocie.
«U raźmieščanaj u sietcy pietycyi viadomaha muzyki abvinavačvajuć u «padbuchtorvańni da zabojstva ludziej», a samoha Andreja Makareviča nazyvajuć «pamahatym fašystaŭ», jaki nie pavinien «vałodać hetym ordenam», — dadajuć aŭtary zvarotu.
Pa ich słovach, «hetuju brydkuju kampaniju ŭžo padtrymali asobnyja pradstaŭniki Adzinaj Rasii «i niekatoryja srodki masavaj infarmacyi».
Andrej Makarevič udzielničaŭ u antyvajennym «Maršy miru» 15 sakavika suprać rasijskaha ŭmiašańnia ŭ padziei va Ukrainie.
Ciapier čytajuć
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ8
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary