Partyja «Pravy siektar» rasceńvaje sproby šturmu Rady 27 sakavika jak pravakacyju. Pra heta žurnalistam pierad budynkam parłamienta paviedamiŭ kiraŭnik «Pravaha siektara» ŭ Kijeŭskaj vobłaści Ihar Mazur.
«Ja liču, što heta była pravakacyja», — skazaŭ jon.
Mazur patłumačyŭ, što paśla vieča na Majdanie Niezaležnaści kałona pratestocaŭ nakiravałasia da budynka Viarchoŭnaj Rady, kab patrabavać adstaŭki ministra ŭnutranych spraŭ Arsiena Avakava.
«Ale asobnyja hramadzianie pabiehli napierad. Kali my siudy padyšli, to šyby (u budynku parłamienta kala centralnaha ŭvachodu) užo byli vybityja», — patłumačyŭ Mazur.
Pavodle jaho słoŭ, paśla hetaha jon i jašče niekalki deputataŭ Rady źviarnulisia da radykalna nastrojenych z prośbaj nie raźbivać šyby i nia pieravodzić akcyju ŭ šturm budynka.
Taksama jon paviedamiŭ, što kali Avakaŭ nie pojdzie ŭ adstaŭku ŭ piatnicu, to «Pravy siektar» maje namier praciahvać svaje akcyi pratestu.
