Biaspłatny kancert «Salidarnyja ź Biełaruśsiu» projdzie 11 krasavika ŭ centry polskaj stalicy.
Jon projdzie ŭ Krakaŭskim pradmieści na placoŭcy kala hatela «Brystol». Pačatak a 19-j.
U hetym hodzie na mierapryjemstvie zajaŭlenyja vystupleńni kultavaha polskaha hurta Maleo Reggae Rockers, ukraincaŭ Kozak System i dvuch biełaruskich hurtoŭ — Amaroka i «Lapis Trubiacki». Da kancertu śpis vystupoŭcaŭ moža jašče papoŭnicca. Akramia muzykaŭ na scenu vyjduć biełaruskija i polskija paety, projdzie taksama vuličnaja vystava Michaiła Aniempadystava, pieradaje tuzin.fm.
Kancert-akcyja «Salidarnyja ź Biełaruśsiu» pravodzicca štohod z 2006 hoda (za vyklučeńniem 2010 hoda). U jaho ramkach vystupajuć viadomyja hurty ź Biełarusi i Polščy, a taksama viadomyja dziejačy kultury. Arhanizatary inicyjatyvy kažuć, što takim čynam chočuć paznajomić palakaŭ z aktualnaj biełaruskaj kulturaj, raskazać ab prablemach, ź jakimi sutykajucca biełarusy ŭ svajoj krainie i vykazać im svaju padtrymku. Uvachod na kancert biaspłatny.
Jeŭrapiejskaja prezientacyja alboma «Matroška» adbudziecca na dva dni paźniej u Prazie, u najbujniejšym kłubie Sasazu.
